ဥပဒေသိက လူရေးလှ

အမေး။
အမွေပေးရန် ရည်ရွယ်ပြီး ကိတ္တိမ သားသမီးအဖြစ် မွေးစားရာတွင် အရပ်စာချုပ်ဖြင့် မွေးစားနိုင်သလား။
အဖြေ။
ကိတ္တိမ မွေးစားစာချုပ်ပြုလုပ်လျှင် စာချုပ်စာတမ်း မှတ်ပုံတင်ရုံးတွင် မှတ်ပုံမတင်မနေရ မှတ်ပုံတင်ရသည်။

[စာချုပ်စာတမ်းမှတ်ပုံတင်ဥပဒေ ပုဒ်မ-၁၇]

အမေး။
ဗုဒ္ဓဘာသာ ဓလေ့ထုံးတမ်းအရ အဆန်ဘက်တွင်ရှိသော သွေးရင်းဆွေမျိုးများနှင့် အစုန်ဘက်တွင်ရှိသော သွေးဝက် ဆွေမျိုးများ ယှဉ်ပြိုင်ပြီး အမွေလုသော် မျိုးဆက်တူလျှင် မည်သည့်ဘက်က ရမည်နည်း။
အဖြေ။
မျိုးဆက်တူစေဦးတော့ အဆန်ဘက်မှာရှိသော သွေးရင်းဆွေမျိုးများက ရရှိသည်။

[မစ္စစ်ကတ်ဝု နှင့် မောင်ဆင်၊ အေအိုင်အာရ်၊ ၁၉၃၈၊ ရန်ကုန် ၇၄]

အမေး။
လက်ထပ်ပေါင်းသင်းပါမည်ဟူသော ကတိပြုချက်မပါဘဲ မိန်းမနှင့် ယောက်ျား နှစ်ဦးသဘောတူ ဆက်ဆံခဲ့ကြပြီးနောက် မိန်းမတွင် ပဋိသန္ဓေရှိလာရာ မိန်းမက ယောက်ျားအပေါ် လျော်ကြေးတောင်းခွင့် ရှိသလား။
အဖြေ။
ဤကိစ္စမျိုးသည် နှစ်ဦးနှစ်ဖက် ကိုယ့်ကျင့်တရား ပျက်ပြားစေခြင်းကြောင့် ပေါ်ပေါက်လာသည့် ကိစ္စဖြစ်သည်။ ထို့ကြောင့် မိမိကိုယ်တိုင် အကျင့်စာရိတ္တ ပျက်ပြားသဖြင့် ပေါ်ပေါက်လာသည့်ကိစ္စတွင် တရားဥပဒေ၏ အကူအညီကို တောင်းဆိုရန်မသင့်။ နှစ်ဦးစလုံး ညီတူညီမျှ အပြစ်ရှိသူများ ဖြစ်ခြင်းကြောင့် ရုံးတော် အကူအညီကို မည်သူမျှ မရထိုက်။ တရားမျှတမှုကို လိုလားသူသည် မိမိကိုယ်တိုင် သန့်ရှင်းရမည်ဟူသော ရောမလူမျိုးတို့၏ ဆိုရိုးစကားကိုလည်း သတိချပ်သင့်ပေသည်။
[မောင်သန်းဌေး နှင့် မပု (ခေါ်) မသန်းရင်၊ ၁၉၆၆၊ မြန်မာနိုင်ငံ စီရင်ထုံး၊ ၁၀၂၁]



အမေး။
သွာနုတ္တသားသမီး ဖြစ်သည့်အချက် ထင်ရှားလျှင် မိဘအမွေ ဆက်ခံရန် ဆုံးရှုံးသည်ဖြစ်ရာ ယင်းဆုံးရှုံးမှုသည် မြေးများတိုင်အောင် အကျုံးဝင်သလား။
အဖြေ။
သွာနုတ္တသားသမီး ဖြစ်သည်မှာ ထင်ရှားလျှင် မိဘအမွေ ဆက်ခံရန် ဆုံးရှုံးသော်လည်း အဆိုပါသားသမီးမှမွေးသည့် မြေးများသည် အဘိုးအဘွား၏ အမွေကို ဆက်ခံခွင့်ရှိသည်။

[ချန်ယူဂီး နှင့် မစ္စစစ်အိုင်းရစ်မောင်စိန်၊ ၁၉၅၃၊ မြန်မာနိုင်ငံစီရင်ထုံး၊ စာ ၂၉၄]

အမေး။
မုသားသက်သေခံရန် မောင်မောင်က မောင်ဘကို လှုံ့ဆော်သည်။ သို့သော် မောင်ဘက မုသားသက်သေ မပြု။ ယင်းအတွက် မောင်မောင်တွင် အပြစ်ရှိပါသလား။
အဖြေ။
မောင်မောင်သည် ပြစ်မှုကို ကျူးလွန်ရာရောက်သည်။ အပြစ်ရှိသည်။
[ပြစ်မှုဆိုင်ရာဥပဒေပုဒ်မ ၁၁၆]

အမေး။
လင်သည် မယား၏ ခွင့်ပြုချက်ဖြင့် ရဟန်းပြု (ဒုလ္လဘရဟန်းမဟုတ်) ပြီး လူပြန်ထွက်သော် လင်ခန်း မယားခန်း ပြတ်သလား၊ မယားစရိတ်ပေးရန် လိုသလား။
အဖြေ။
လင်သည် မယား၏ သဘောတူညီချက်ဖြင့် ရဟန်းပြုသည်။ (ဒုလ္လဘရဟန်းမဟုတ်) လေးနှစ်ကျော်သည့်အခါ ထိုသူ လူထွက်လာရာ မယားက မယားနှင့်ကလေးစရိတ်ရလိုကြောင်း လျှောက်ထားသည်။ ၎င်းအမှုတွင် ယောက်ျားသည် မယား၏ သဘောတူညီချက်ဖြင့် လူ့လောကကို စွန့်ခွာရန် ရည်ရွယ်၍ ရဟန်းဘောင်သို့ ကူးဝင်ခြင်းဖြစ်သောကြောင့် လင်ခန်းမယားခန်း ပြတ်စဲခဲ့ပြီးဖြစ်သည်။ ထို့ကြောင့် မယားတွင် စားစရိတ်ရပိုင်ခွင့်မရှိ၍ ကလေးစရိတ်သာရသည်။

[မောင်ညွန့်တင် နှင့် မပု၊ ၁၉၅၄၊ မြန်မာနိုင်ငံစီရင်ထုံး၊ စာ ၇၆]