အမေး။
မိဘသြဇာ မနာခံ၊ မိဘကို တော်လှန်ပြီး ရန်သူကဲ့သို့ ပြုကျင့်သောသားသမီး (ခွေးနှင့်တူသော သားသမီး၊ သွာနုတ္တ သားသမီး) သည် မိဘ၏အမွေကို ဆက်ခံခွင့်ရှိသလား။
အဖြေ။
မိဘ၏အမွေကို မဆက်ခံနိုင်။

[မမြမေ နှင့် မောင်ဘထွန်း၊ ၂ အယ်ဘီအာရ်၊ ၂၂၄]

အမေး။
မိခင်ဖြစ်သူသည် သားသမီးသုံးယောက်အား လယ်မြေများကို စာချုပ်ပြုလုပ်၍ ပေးသည်။ စာချုပ်တွင် ပေးသူ မိခင် သေဆုံးသောအခါ အတည်ဖြစ်စေရမည်ဟု ပါရှိသည်။ ယင်းပေးကမ်းခြင်းသည် အတည်ဖြစ်သလား။
အဖြေ။
စာချုပ်တွင် ပေးသူမိခင် သေဆုံးသောအခါ အတည်ဖြစ်ရန်ဆိုသော စည်းကမ်းချက်တစ်ခု ပါရှိသည်။ ထိုစာချုပ်သည် အပေးဟန်ဆောင်၍ သေတမ်းစာ ရေးခြင်းမျှဖြစ်သောကြောင့် ပျက်ပြယ်သည်။

[မသင်းမြိုင် နှင့် မောင်ကြီး၊ ၁ ရန်ကုန် ၃၅၁]

အမေး။
ဦးရွှေသည် အလုပ်သွားရန်အတွက် ဘတ်စ်ကားစောင့်နေရာ အလိုအလျောက် မူးမေ့ကျသွားသဖြင့် အနီးအနားမှ လူများက ဆေးရုံသို့ တင်ပို့ခဲ့သည်။ မကြာမီပင် ဦးရွှေသည် ဆေးရုံတွင်ပင် သေဆုံးသည်။ အလုပ်သမားလျော်ကြေး ရနိုင်သလား။
အဖြေ။
ဦးရွှေသည် အလုပ်ခွင်တွင် သေဆုံးခြင်းမဟုတ်၊ အလုပ်ခွင်တွင် ထိခိုက်ဒဏ်ရာကြောင့် သေဆုံးခြင်းမဟုတ်။ အလုပ်သမားလျော်ကြေး မရနိုင်။

[၁၉၇၄၊ တရားမအထွေထွေအယူခံမှုအမှတ်-၁]

အမေး။
ဦးမင်းလွင်သည် မတင်လှနှင့် အိမ်ထောင်မပြုမီ အသက်အာမခံပေါ်လစီကို ပြည်ထောင်စု အာမခံစနစ်အဖွဲ့မှ ထုတ်ယူခဲ့သည်။ ပေါ်လစီမှ ရသင့်ငွေများကို မိခင်ဒေါ်ဂေါက်၊ အစ်မ နှင့် တူတော်သူတို့အားပေးရန် စည်းကမ်းနှင့်အညီ လွှဲခဲ့သည်။
ဦးမင်းလွင် သေဆုံးသောအခါ ဇနီး မတင်လှ နှင့် မိခင် ဒေါ်ဂေါက်၊ အစ်မနှင့် တူတို့ တစ်ဖက်စီ သူရသင့်၊ ငါရသင့် အမှုဖြစ်ပွားသော် မည်သည့်ဖက်က ရမည်နည်း။
အဖြေ။
ပြည်ထောင်စု အာမခံစနစ်အဖွဲ့ အက်ဥပဒေသည် အထူးဥပဒေဖြစ်၍ အထူးဥပဒေစည်းကမ်းများသည် ဓလေ့ထုံးတမ်းဥပဒေကို လွှမ်းမိုးခြင်းကြောင့် အသက်အာမခံပေါ်လစီ အကျိုးခံစားခွင့်ကို ယင်းဥပဒေအရ သတ်မှတ်ထားသည့် မိခင် ဒေါ်ဂေါက်၊ အစ်မ နှင့် တူ တို့က အနိုင်ရသည်။

[မတင်လှ နှင့် ဒေါ်ဂေါက်၊ ၁၉၆၉၊ မြန်မာနိုင်ငံစီရင်ထုံး၊ စာ ၁၀၇]

အမေး။
အကြွေးဆပ်စေရန်အလို့ငှာ အတင်းအကြပ် ပြုလုပ်ရန် အကြံဖြင့် မြီရှင်သည် မြီစား၏ ရွှေ့ပြောင်းနိုင်သော ပစ္စည်းကို ၎င်း၏ လက်ရှိမှ ယူလျှင် အပြစ်ဖြစ်သလား။
အဖြေ။
အကြွေးဆပ်စေရန် အလို့ငှာ အတင်းအကြပ် ပြုလုပ်ရန်အကြံဖြင့် မြီရှင်သည် မြီစား၏ ရွှေ့ပြောင်းနိုင်သောပစ္စည်းကို ၎င်း၏ လက်ရှိမှ ယူလျှင် ခိုးမှုကျူးလွန်သည်။

[၁၈၉၇-၀၁၊ အထက်မြန်မာပြည်စီရင်ထုံး၊ အတွဲ ၁၊ ၃၃၉]

အမေး။
ဥပဒေနှင့်အညီ မဟုတ်ဘဲ အိမ်ရှင်က အိမ်ငှားကို ဥပစာမှ ဖယ်ရှားလိုသော် နစ်နာကြေးပေးရန် တာဝန်ရှိသလား။
အဖြေ။
ဥပဒေနှင့်အညီ မဟုတ်ဘဲ အိမ်ရှင်က အိမ်ငှားကို ဥပစာမှ ဖယ်ရှားလျှင် နစ်နာကြေးပေးရန် တာဝန်ရှိသည်။

[၁၉၆၅၊ မြန်မာနိုင်ငံစီရင်ထုံး၊ စာ ၁၀၂၆]

အမေး။
နိုင်ငံခြားသားတစ်ဦးအား မရွှေ့မပြောင်းနိုင်သည့် ပစ္စည်းကို ရောင်းချခြင်း၊ ပေါင်နှံခြင်း၊ မေတ္တာဖြင့် အပိုင်ပေးခြင်း၊ တစ်နှစ်ထက်ပို၍ ငှားရမ်းခြင်း ပြုနိုင်သလား။
အဖြေ။
မပြုနိုင်ပေ။ ပြုလုပ်ပါက တရားမ၀င် ပျက်ပြယ်သည်။

[အဗ္ဗဒူလတစ် နှင့် ကိုအောင်၊ ၁၉၅၉၊ မြန်မာနိုင်ငံစီရင်ထုံး၊ စာ ၁]
[ရမ်ဂျနမ် နှင့် ဦးအောင်မြင့်၊ ၁၉၇၅၊ မြန်မာနိုင်ငံစီရင်ထုံး၊ စာ ၈၄]

အမေး။
မဖြူအား ပစ္စည်းကို လွှဲပြောင်းပေးရာ၌ မဖြူ သီလရှင်ဝတ်လျှင် ထိုသို့လွှဲပြောင်းမှု ပျက်ပြယ်ရမည်ဟု စည်းကမ်းချက် ပါရှိသည်။ အကယ်၍ မဖြူသည် သီလရှင်ဝတ်ပါက မဖြူသည် ပစ္စည်းအပေါ် အကျိုးသက်ဆိုင်မှု ဆုံးရှုံးနိုင်သလား။
အဖြေ။
အကျိုးသက်ဆိုင်မှု ဆုံးရှုံးသည်။

[ပစ္စည်းလွှဲပြောင်းရေးဥပဒေပုဒ်မ ၃၂]

အမေး။
ဗုဒ္ဓဘာသာ ဓလေ့ထုံးတမ်းအရ သေသူတွင် တူ၊ တူမ နှင့် ဦးကြီး၊ ဦးလေးတို့သာ ကျန်ရစ်လျှင် အမွေ မည်သူတို့ရမည်နည်း။
အဖြေ။
တူ၊ တူမများသည် ဦးကြီး၊ ဦးလေး အစရှိသူတို့ကို အမွေက ဖယ်ထုတ်နိုင်သည်။

[မတင် နှင့် မရွှေဆင့်၊ ၄ ရန်ကုန်၊ ၂၇ စုံညီခုံ]

အမေး။
ဗုဒ္ဓဘာသာ ဓလေ့ထုံးတမ်းအရ လင်ပါ မယားပါ သားသမီးများသည် သေသူ၏ ညီအစ်ကို မောင်နှမ၊ အစ်မ၊ ညီမ စသည့် ဆွေမျိုးများကို အမွေမှ ဖယ်ထုတ်နိုင်သလား။
အဖြေ။
အမွေမှ ဖယ်ထုတ်နိုင်သည်။

[ဒေါ်တုပ် နှင့် မတင်အုန်း၊ ၁၂ ရန်ကုန် ၇၀၃]

အမေး။
ဗုဒ္ဓဘာသာ ဓလေ့ထုံးတမ်းအရ မိဘနှစ်ပါးအနက် တစ်ဦးသေဆုံးပြီးနောက် ကျန်ရစ်သူ မိဘထံက အမွေတောင်းခံလိုသော် အချိန်ကာလ မည်မျှအတွင်း တောင်းခံရမလဲ။
အဖြေ။
သေဆုံးချိန်က (၁၂)နှစ်အတွင်း တောင်းခံရမှာ ဖြစ်သည်။

[မောင်ဖိုးမင်း နှင့် ဦးရွှေလူ၊ ၂၊ အယ်ဘီအာရ် ၁၁၀]

အမေး။
ဒေါ်တင်လှိုင်သည် ဥယျာဉ်သန့်ရှင်းသူအဖြစ် အလုပ်လုပ်ကိုင်သည်။ ဒေါ်တင်လှိုင်သည် ခြံထဲ၌ သန့်ရှင်းရေးအလုပ် လုပ်နေစဉ် မူးလဲ၍ သေဆုံးသည်။ နှလုံးရောဂါကြောင့် သေဆုံးသည်ဟု တရားရုံးက သုံးသပ်သည်။ ဒေါ်တင်လှိုင်အနေနှင့် အလုပ်သမားလျော်ကြေး ရနိုင်သလား။
အဖြေ။
အလုပ်သမားလျော်ကြေးရသည်။

[၁၉၇၄၊ တရားမအထွေထွေအယူခံမှုအမှတ်-၁၇]

အမေး။
ခြံနှင့်မြေကို ရောင်းချရာ အမြတ်ခွန် မပေးဆောင်ဘဲ နေ၍ရသလား။ နေအိမ်တိုက်ခန်းကို ရောင်းချသူသည် အမြတ်ခွန် ပေးဆောင်ရမည်လား။
အဖြေ။
မည်သူမဆို နှစ်တစ်နှစ်အတွင်း အခြေခံပစ္စည်းတစ်ခု (သို့မဟုတ်) တစ်ခုထက်ပို၍ ရောင်းချခြင်း၊ လဲလှယ်ခြင်း (သို့မဟုတ်) လွှဲပြောင်းခြင်း ပြုလုပ်ရာမှ မြတ်စွန်းငွေအတွက် အခွန်ဆောင်ရန် တာဝန်ရှိသည်။

[အမြတ်ခွန်ဥပဒေပုဒ်မ ၁၃]

အမေး။
မိန်းမတစ်ယောက်သည် ယောက်ျားတစ်ယောက်ထက် ပိုယူခွင့် ရှိသလား။
အဖြေ။
မိန်းမအဖို့ ယောက်ျားတစ်ယောက်ထက် ပိုယူခွင့်မရှိပေ။ တရားဝင် လင်ရှိမယားတစ်ယောက်သည် အခြား ယောက်ျားတစ်ယောက်နှင့် ထိမ်းမြားလက်ထပ်၍ မဖြစ်ပေ။

[ပြစ်မှုဆိုင်ရာဥပဒေပုဒ်မ ၄၉၄]

အမေး။
မြန်မာ့ဓလေ့ထုံးတမ်း ဥပဒေအရ ထိမ်းမြားလက်ထပ်ရန်နှင့် လင်မယားအဖြစ် ပေါင်းသင်းနေထိုင်ကြရန် နှစ်ဦးသဘောတူညီချက်နှင့် ရည်ရွယ်ချက်မရှိဘဲ သာမန်ထွက်ပြေးရုံမျှနှင့် တရားဝင်ထိမ်းမြားခြင်း ဖြစ်သလား။
အဖြေ။
သာမန်ထွက်ပြေးရုံမျှနှင့် တရားထိမ်းမြားခြင်း မဖြစ်ပေ။

[၁၉၃၁၊ အေအိုင်အာရ်၊ ရန်ကုန်၊ စာ ၁၇၇]

အမေး။
လင်မယားနှစ်ဦးပိုင် ပစ္စည်းများကို လင်ဖြစ်စေ၊ မယားဖြစ်စေ တစ်ဦးဦး၏ ဆန္ဒမရရှိဘဲ ပေးကမ်းလျှင် အတည်ဖြစ်ပါသလား။
အဖြေ။
လင်မယားနှစ်ဦးပိုင် ပစ္စည်းများကို လင်ဖြစ်စေ၊ မယားဖြစ်စေ ခင်ပွန်းသည်၏ ဆန္ဒမရဘဲ ပေးကမ်းလျှင် အဆိုပါ ပေးကမ်းသည့် ပစ္စည်းတွင် ပေးသူ အကျိုးခံစားခွင့်ရှိသည့် အစုအတွက်သာ အတည်ဖြစ်ပေသည်။ သဘောတူညီချက်မပေးသည့် ခင်ပွန်းသည်၏ အကျိုးခံစားခွင့်ကို ထိခိုက်ခြင်းမရှိချေ။

[ပြစ်မှုဆိုင်ရာဥပဒေပုဒ်မ ၃၇၉]

အမေး။
သတင်းစာတွင် လင်မယားပြတ်စဲကြောင်း လင်ဖြစ်သူက ကြော်ငြာရုံဖြင့် လင်မယားပြတ်စဲခြင်း ဖြစ်သလား။
အဖြေ။
လင်မယားပြတ်စဲကြောင်း သတင်းစာတွင် ကြော်ငြာကာမျှနှင့် လင်မယား ပြတ်စဲပြီဟု မဆိုနိုင်။

[ဦးကျော်ဇံ နှင့် ဒေါ်လှကြည်၊ ၁၉၇၆၊ မြန်မာနိုင်ငံစီရင်ထုံး၊ စာ ၅]

အမေး။
ဦးဝမ်တင်သည် မိမိခြံမှထွက်သော အုန်းလက်များ၊ သစ်ကိုင်းခြောက်များ၊ သစ်ခက်သစ်ရွက်များကို သာမန်အမှိုက်စွန့်ပစ်ရန် စီမံထားသည့် အမှိုက်ပုံတွင် စွန့်ပစ်ခြင်းသည် တားမြစ်ချက်ကို ကျူးလွန်ရာ ရောက်ပါသလား။
အဖြေ။
မည်သူမျှ ခြံထွက် အမှိုက်၊ စက်ရုံ၊ အလုပ်ရုံထွက် အမှိုက်၊ တည်ဆောက်ရေးလုပ်ငန်းထွက် အမှိုက်၊ စီးပွားရေးလုပ်ငန်းထွက် အမှိုက်၊ ဆေးရုံစွန့်ပစ်ပစ္စည်းများနှင့် စက်ဆုပ်ဖွယ် အရာများကို ကော်မတီက သီးသန့်သတ်မှတ်ထားသည့် နေရာမှအပ သာမန်အမှိုက်စွန့်ပစ်ရန် စီမံထားရှိသည့် အမှိုက်ပုံး၊ အမှိုက်ကန်နှင့် အမှိုက်ပုံရန် သတ်မှတ်ထားသည့် နေရာတွင်လည်းကောင်း၊ အခြားနေရာတွင်လည်းကောင်း စွန့်ပစ်ခြင်းမပြုရ။

[ရန်ကုန်မြို့တော် စည်ပင်သာယာရေးကော်မတီ၊ ကျန်းမာရေးဆိုင်ရာ နည်းဥပဒေများ၊ ပုဒ်မ ၄၉]

တားမြစ်ချက်ကို ဖောက်ဖျက်ကျူးလွန်လျှင် ရန်ကုန်မြို့တော် စည်ပင်သာယာရေး ဥပဒေအရ အရေးယူခြင်းခံရမည်။

အမေး။
စိန်မဟုတ်ကြောင်း သိလျက်နှင့် ထိုပစ္စည်းကို စိန်ထည်အဖြစ်ဖြင့် ပေါင်နှံခြင်းသည် လိမ်လည်မှုဖြစ်သလား။
အဖြေ။
စိန်မဟုတ်ကြောင်း သိလျက်နှင့် ထိုပစ္စည်းကို စိန်ထည်အဖြစ်ဖြင့် ပေါင်နှံကာ တမင်လှည့်ဖြားပြီး ငွေချေးခြင်းသည် မရိုးမဖြောင့်သော သဘောနှင့် သွေးဆောင်ပြုရာရောက်၍ လိမ်လည်မှုဖြစ်သည်။

[ပြစ်မှုဆိုင်ရာ ဥပဒေ ပုဒ်မ ၄၁၅]

အမေး။
မောင်ဖြူသည် သေစေရန် ကြံရွယ်ချက်ဖြင့် လူသူမရှိသောအရပ်တွင် အသက်နုသောကလေးကို စွန့်ပစ်ထားသည်။ သို့သော် ကလေးမှာ မသေ။ ယင်းလုပ်ရပ်အတွက် မောင်ဖြူတွင် အပြစ်ရှိသလား။
အဖြေ။
ကလေးမသေစေကာမူ မောင်ဖြူသည် ဤပုဒ်မ (ပြစ်မှုဆိုင်ရာ ဥပဒေပုဒ်မ ၃၀၇) တွင် ဖော်ပြထားသည့် ပြစ်မှုကို ကျူးလွန်သည်မည်၏။

[ပြစ်မှုဆိုင်ရာ ဥပဒေပုဒ်မ ၃၀၇]

အမေး။
အိမ်တွင်းရှိလူကို နာကျင်စေရန်အကြံဖြင့် ပုလင်းတစ်လုံး ပစ်သွင်းခြင်းသည် မဆင်မခြင် ပေါ့ပေါ့ဆဆ ပြုလုပ်ရာရောက်သလား။
အဖြေ။
အိမ်တွင်းရှိလူကို နာကျင်စေရန်အကြံဖြင့် ပုလင်းတစ်လုံး ပစ်သွင်းခြင်းသည် မဆင်မခြင် ပေါ့ပေါ့ဆဆ ပြုလုပ်မှုမဟုတ်ဘဲ လက်ရောက်မှုသာ ဖြစ်သည်။

[အစိုးရ နှင့် ဘိုးတော၊ အတွဲ ၃၊ အောက်မြန်မာပြည်စီရင်ထုံး၊ စာ ၁၉၄]