ရှေ့နေ ။ ။တရားသူကြီးခင်ဗျာ
ကျွှန်တော့အမှုသည်ဟာရိုးတဲ့ အပြင် အတာကပိုပါသေးတယ်
လက်ထိုးပေးရင်တောင်ကိုက်တတ်တဲ့ လူမဟုတ်ပါဘူး
ဒီလိုလူက ဒီပြစ်မှုကိုကျုးလွန်တယ်ဆိုတာလုံးဝ မဖြစ်နိုင်ပါကြောင်း
လျှောက်ထားအပ်ပါတယ်ခင်ဗျာ။
အမှုသည် ။ ။ရှေ့နေကြီးပြောမှပဲ ကျွန်တော်-ကိုယ့် ကိုယ်ကိုယ် ရိုးအမှန်းသိရတာ ဒါနဲ့တောင် ဒီပြစ်မှု ကိုကျုးလွန်ရဲသေးတယ် ကျွန်တော်မိုက်လုံးကြီးတာပါဗျာ

ပြစ်မှုဆိုင်ရာဥပဒေ ပုဒ်မ - ၃၂၁ အကြောင်း လေ့လာကြရအောင်ပါ - မည်သူမဆို ကိုယ်ဝန်ဆောင်မိန်းမရဲ့ အသက်ကို ကယ်ဆယ်လိုသောသဘောရိုးဖြင့် မဟုတ်ဘဲ ကိုယ်ဝန်ဆောင်မိန်းမကို ကိုယ်ဝန်ပျက်စေရန် လုပ်ရင် သုံးနှစ်ထိထောင်ဒဏ် (သို့)ငွေဒဏ်(သို့)နှစ်ရပ်လုံးဖြစ်စေ ချမှတ်နိုင်ပါတယ်။

အစုစပ်လုပ်ကိုင်တယ်ဆိုတာ လူအများဟာ မိမိတို့ရဲ့ ပစ္စည်း လုပ်အားနဲ့ ကျွမ်းကျင်မှုတွေကို စုပေါင်းလုပ်ကိုင် ဆောင်ရွက်ရာက ရရှိလာတဲ့ အမြတ် ဝေစုကို ခွဲဝေယူကြစို့ သဘောတူသူ တစ်ဦးနဲ့တစ်ဦး ဆက်ဆံခြင်း ကိုဆိုလိုတာ ဖြစ်ပါတယ်။
- အစုစပ်လုပ်ငန်းမှာ ပါဝင်သူတစ်ဦးချင်းကို အစုစပ်လုပ်ကိုင်သူလို့ခေါ်တယ်။
- လုပ်ငန်းကိုတော့ အစုစပ်လုပ်ငန်းလို့ ခေါ်တယ်။ လုပ်ငန်းလုပ်ကိုင်ဆောင်ရွက်တဲ့အမည်ကို အစုစပ်လုပ်ငန်းအမည်လို့ခေါ်တယ်

သေတမ်းစာရေးခွင့်ရှိတဲ့ ဘာသာက ဘာသာဝင်တွေသာ သေတမ်းစာရေးခွင့်ရှိတာပါ။
မြန်မာ့ဓလေ့ထုံးတမ်းဥပေဒေအရကတော့ သေတမ်းစာရေးခွင့် မရှိပါ။
တကယ်တော့ သေတမ်းစာဆိုတာ ၄င်းပိုင်ပစ္စည်းတွေကို ဘယ်သူ့ကို ဘယ်လိုခွဲဝေပေးဖို့ဆိုပြီး ဥပဒေနဲ့အညီ စီမံရေးသားထားတဲ့စာတစ်မျိုးပါပဲ။
၁) ရူးသွပ်သူ၊အရွယ်မရောက်သေးသူ မဟုတ်ရင် မိမိပိုင်ပစ္စည်းကိုရေးသားစီမံခန့်ခွဲနိုင်တယ်။
၂) ရူးသွပ်သူတစ်ဦးဟာ ရူးသွပ်တဲ့ဝေဒနာ ပျောက်ကင်းပြီး စိတ်ကောင်းနေတဲ့အချိန်မှာ သေတမ်းစာရေးနိုင်ပါတယ်။
၃)အရက်သေစာ ၊ မမာမကျန်း ၊ အခြားတစုံတရာ အကြောင်းကြောင့် မိမိရေးသားခဲတဲ့ ကိစ္စရပ်တွေကို နားမလည်နိုင်တဲ့ အခြေအနေ ရှိနေသမျှ ကာလပတ်လုံး သေတမ်းစာ ရေးမယ်ဆိုလျှင် သေတမ်းစာအတည်မဖြစ်ပါ။
- သာမန်သေတမ်းစာကို စာနဲ့ရေးပြီး သေတမ်းစာရေးသူကိုယ်တိုင် လက်မှတ်ရေးထိုးရပါမယ်။
- ရေးသားချက်ဟာ ပေးကမ်းသူ ပစ္စည်းပိုင်ရှင် အသက်ထင်ရှားရှိစဉ် ရေးသားပြီး ပေးကမ်းသူ သေဆုံးမှ ပစ္စည်းစီမံခန့်ခွဲဖို့ ရေးသားတာမျိုး ဖြစ်ရ ပါမယ်။တစ်နည်းအားဖြင့် သေတမ်းစာဖြစ်စေဖို့ ရည်ရွယ်ပြီး ရေးတာမျိုး ဖြစ်ရပါမည်။
- သေတမ်းစာမှန်ကန်ကြောင်း သက်သေ အနည်းဆုံး နှစ်ဦး လက်မှတ်ရေးထိုးရပါမယ်။
- သေတမ်းစာမှာ ဘယ်ပစ္စည်းကို ဘယ်လို ခွဲဝေလိုတဲ့အကြောင်း ပါရပါမည်။
- သေတမ်းစာဟာ ပြုလုပ်ရေးသားသူ သေဆုံးချိန်ကစပြီး အကျိုးသက်ရောက်ပါတယ်။
- သေတမ်းစာကို ဘယ်ကာလ မှာမဆို မှတ်ပုံတင်နိုင်ပါတယ်။
- သေတမ်းစာကို မိမိ အသက်ထင်ရှားရှိနေစဉ်ကာလအတွင်း ဘယ်အချိန်မှာပဲ ဖြစ်ဖြစ်ရေးသားချုပ်ဆိုနိုင်သလို ဘယ်အချိန်မှာပဲဖြစ်ဖြစ် ပြန်လည်ရုပ်သိမ်း နိုင်ခွင့်ရှိပါတယ်။

ကွာရှင်းပြတ်စဲခြင်း စာချုပ်ချုပ်မယ်ဆိုရင် အသင့်ရိုက်နှိပ်ထားတဲ့ စာချုပ် ပုံစံမှာ အလွယ်တကူ ရေးဖြည့်ပြီး ချုပ်ကြတာများပါတယ်။
ဒါပေမယ့် သားရေးသမီးရေးကိစ္စ ပစ္စည်းခန်းကိစ္စတွေ ပါလာရင် ကွာရှင်းစာချုပ် သီးခြားချုပ်ဆိုဖို့လိုအပ်ပါတယ်။
ကလေးကို ဘယ်သူတာဝန်ယူမလဲ ဘယ်သူရဲ့အုပ်ထန်းခွင့်အောက်မှာ ထားမှာလဲ။စည်းကမ်းချက်တွေ ကဘာလဲ။အလားတူ ပစ္စည်းခန်းကိစ္စ ပါလာရင် ဘယ်သူက ဘယ်ပစ္စည်းကို ယူမှာလဲဆိုတာတွေ စာချုပ်မှာ တစ်ပါတည်း ချုပ်ဆိုဖို့လိုပါတယ်။
၁) တရားဝင်ကွာရှင်းပြတ်စဲ စာချုပ်ပြုလုပ်ရေးသားပြီး အာဏာရ တရားသူကြီး ရှေ့မှောက်မှာကွာရှင်းပြတ်စဲလိုတဲ့အကြောင်း လွတ်လွတ်လပ်လပ် ဆန္ဒ ကိုယ်စီ ထုတ်ဖော်ပြီး လက်မှတ်ရေးထိုးကြရပါမည်။
၂) စာချုပ်မှာ ပေါင်းသင်းရန် ဆန္ဒမရှိတော့တဲ့အကြောင်း တိတိကျကျ ဖော်ပြပါရှိရပါမယ်။
၃) အနည်းဆုံး အသိသက်သေနှစ်ဦး ပါဝင်လက်မှတ်ရေးထိုးကြရပါမယ်။
၎) ၂၅ကျပ်တန် စာချုပ်ခေါင်းပေါ်မှာ ချုပ်ဆိုကြရပါမည်။
၅) ပစ္စည်းခွဲဝေတဲ့ကိစ္စပါ စာချုပ်မှာ ပါဝင်ချုပ်ဆိုရင် မရွှ့မပြောင်းနိုင်တဲ့ ပစ္စည်း ကျပ် ၁၀၀ နဲ့ အထက်ဖြစ်ရင် အဲဒီပစ္စည်းခွဲဝေမှု သီးခြားစာချုပ်ပြုလုပ်ရပါမည်။
၆) ထိုစာချုပ်ကို တရားဝင်ဖြစ်ကြောင်း မှတ်ပုံတင်ပြုလုပ်ရပါမည်။

တရားရုံးကိုသွားပြီး ကတိလက်ထပ်စာချုပ် ပြုလုပ်ကြတဲ့ဓလေ့ထုံးတမ်း တစ်ရပ်ပေါ်ပေါက်လာတာ ငယ်ရွယ်သူတွေ အချင်းချင်း မေတ္တာမျှကြရာက လူကြီးမိဘမသိအောင် ဒါမှမဟုတ် လူကြီးမိဘ သဘောမတူတာကို အကာအကွယ်ရအောင် ရည်ရွယ်ပြီး ရုံးတက်လက်ထက်ရာက ပေါ်ပေါက်လာတာဖြစ်ပါတယ်။
မြန်မာဗုဒ္ဓဘာသာ ယောက်ျားတစ်ယောက်နဲ့ မိန်းမတစ်ယောက်ဟာ တရားဝင်ထိမ်းမြားမှုမြောက်ဖို့ အောက်ပါအချက်တွေ လိုအပ်ပါတယ်။
၁) ယောက်ျားဟာ အိမ်ထောင်ပြုဖို့အတွက် ကျန်းမာသန်စွမ်းရပါမယ်။
၂) မိန်းမဟာ မုဆိုးမ ဒါမှမဟုတ် တစ်ခုလပ် တင်လင်ကွာ မဟုတ်ရင် အသက်(၂၀)ပြည့်ရပါမယ်။အသက်(၂၀)မပြည့်သေးဘူးဆိုရင် မိဘဒါမှမဟုတ် အုပ်ထိန်းသူရဲ့ သဘောတူညီချက်ရှိရမယ်။
၃) အကြင်လင်မယားအဖြစ် အိမ်ထောင်ပြုမယ်ဆိုတဲ့ရည်ရွယ်ချက် နှစ်ဦးစလုံးမှာ ရှိရပါမယ်။
၎) နှစ်ဦးစလုံး စိတ်ပေါ့သွပ်သူတွေ မဖြစ်စေရပါ။
၅) မိန်းမမှာ မပြတ်စဲသေးတဲ့ တရားဝင် လင်ယောက်ျား မရှိစေရပါ။
၆) အထင်အရှား ထိမ်းမြား လက်ထပ်မှု မပြုခဲ့လျှင် လင်မယားအဖြစ် လူတိရှင်ကြား ပေါင်းသင်းနေထိုင်မှု ရှိရပါမယ်။
- ၂၅ ကျပ်တန် စာချုပ်ခေါင်းပေါ်မှာ လက်ထပ်ထိမ်းမြားစာချုပ် ရိုက်နှိပ် ရမှာဖြစ်ပါတယ်။ဒါမှမဟုတ် အသင့်ရိုက်နှိပ်ထားတဲ့ စာချုပ်တွေပေါ်မှာလည်းရေးဖြည့်နိုင်ပါတယ်။
- အမည်၊အသက်၊မှတ်ပုံတင်အမှတ် ၊ မိဘအမည် ၊ လူမျိုး ၊ ကိုးကွယ်တဲ့ဘာသာ ၊ အလုပ်အကိုင် ၊ နေရပ်လိပ်စာ တွေကို ဖော်ပြရပါမယ်။
- မိမိတို့ဟာ လွတ်လပ်သူတွေ ဖြစ်ကြတယ်ဆိုတဲ့အချက် ပါရှိရပါမယ်။မိမိတို့နှစ်ဦး တစ်ဦးနဲ့တစ်ဦး မေတ္တာသက်ဝင် ချစ်ခင်စုံမက် နှစ်သက်မြတ်နိုးကြတဲ့အတွက် အကြင်လင်မယားအဖြစ် ပေါင်းသင်းနေထိုင်ဖို့ ရည်စူးပြီး ထိမ်းမြားမင်္ဂလာ ကတိသစ္စာပြုလွှာ ပြုလုပ်ကြတယ်ဆိုတဲ့အချက် ပါရှိရပါမယ်။
- အာဏာရ တရားသူကြီးရှေ့မှောက်မှာ ကတိသစ္စာပြုလက်မှတ်ရေးထိုးကြရပါမယ်။
- အသိသက်သေ အနည်းဆုံး(၂)ဦး ပါဝင်လက်မှတ်ရေးထိုးရပါမယ်။
- အကယ်၍ မိန်းကလေးအသက်ဟာ(၁၈)နှစ်ပြည့်ပြီး ပေမယ့် အသက်(၂၀)မပြည့်သေးဘူးဆိုရင် မိဘအုပ်ထိမ်းသူက သက်သေအဖြစ် ပါဝင်လက်မှတ်ရေးထိုးရပါလိမ့်မည်။

- အသက်(၁၈)နှစ်ပြည့်ပြီးသူတွေကသာ မွေးစားနိုင်ပါတယ်။
- မွေးစားသူ အိမ်ထောင်ရှိလျှင် အိမ်ထောင်ဖက်ရဲ့ သဘောတူညီမှုလိုပါတယ်။
- မွေးစားခြင်းခံရတဲ့သူဟာ အရွယ်မရောက်သေးသူဖြစ်လျှင် သူရဲ့မိဘ(သို့)အုပ်ထန်းသူတွေရဲ့ သဘောတူညီကြောင်း လက်မှတ်ရေးထိုးရပါမယ်။
- မွေးစားတဲ့သူ နှင့် မွေးစားခံရသူ နှစ်ဦးစလုံး ဗုဒ္ဓဘာသာဝင်တွေဖြစ်ဖို့လိုပါတယ်
- မွေးစားခြင်းမှာ အမွေစားအမွေခံအဖြစ် မွေးစားကြောင်း စာချုပ်မှာ ပေါ်လွင်ဖို့လိုပါတယ်။

- ကိတ္တိမအဖြစ် မွေးစားထားပြီးဖြစ်တဲ့ မွေးစားမိဘတွေအနေနဲ့ မွေးစားခြင်းကို သူတို့ရဲ့ဆန္ဒ တစ်ခုတည်းနဲ့ မပယ်ဖျတ်နိုင်ပါ။မွေးစားသားသမီးရဲ့သဘောတူညီချက် မရဘဲ မွေးစားခြင်းကို မပယ်ဖျတ်နိုင်ဆိုတဲ့သဘောပါ။
- မွေးစားသူ ရဟန်းဘောင်ဝင်သွားရင် မွေးစားခြင်း ပျက်ပြယ်ပါသည်။
- ရဟန်းပြုသူလူထွက်က ထပ်မံမွေးစားနိုင်ပါတယ်။
- ထပ်မံမွေးစားတာမျိုးမလုပ်ရင် မွေးစားသားသမီးအဖြစ်ပြန်မရပါ။
- မိရင်းဘရင်းတွေ အနေနဲ့ မွေးစားတဲ့ကလေး အရွယ်မရောက်မီပြန်ခေါ်ယူနိုင်ခွင့်ရှိပါတယ်
- မွေးစားတဲ့ မိဘတွေအနေနဲ့ မွေးစားတဲ့ သားသမီးရဲ့ မိရင်းဖရင်း နည်းတူ သူတစ်ပါးကို မွေးစားဖို့ ထပ်ဆင့်ပေးနိုင်ပါတယ်။

၁) ကိတ္တိမမွေးစားသားသမီးတွေဟာ ဘယ်အကြောင်းနဲ့မှ သြရသ အဖြစ် မရနိုင်ပါ။
၂) မွေးစားတဲ့မိဘတွေအနေနဲ့ ဗုဒ္ဓဘာသာကိုစွန့်ပြီးခရစ်ယာန်ဘာသာ ဒါမှမဟုတ် သားသမီးမွေးစားတာကို အသိအမှတ်မပြုတဲ့ အခြားသာသာကို ကူးပြောင်းရင် ကိတ္တိမမွေးစားသားသမီးတွေရဲ့ အမွေခံစားခွင့် ဆုံးရှုံးတယ်။
၃) မွေးစားတဲ့မိဘတွေဟာ သူတို့ရဲ့ မိဘတွေထံက အမွေဆက်ခံခွင့်ရှိပေမယ့် ပစ္စည်းလက်ရောက် မရသေးမီ သေဆုံးရင် ကိတ္တိမ သားသမီးတွေဟာ အမွေပစ္စည်းရဲ့ တစ်ဝတ်ကိုသာ ရခွင့်ရှိတယ်။
ကျန်တစ်ဝတ်ကို မွေးစားမိဘရဲ့ သားချင်းတွေကရတယ်။

မြန်မာ့ဓလေ့ထုံးတမ်းဥပဒေအရ သားသမီး မွေးစားခြင်း သုံးမျိုးရှိပါသည်။
၁) ကိတ္တိမ
ကိတ္တိမဆိုတာ အမွေခံသားအဖြစ် အထင်အရှားမွေးတဲ့သားဖြစ်ပါသည်။
ကိတ္တိမသားတွေကို မှတ်ပုံတင်စာချုပ်ချုပ်ပြီးမှ မွေးရပါတယ်။ဒါမှ တရားဝင်မှာ ဖြစ်ပါတယ်။
၂) အပတိဌ
အပတိဌ သားသမီး တွေကို ဓမ္မသတ်တွေမှာ ကောက်၍မွေးတဲ့သား လို့ဖော်ပြထားပါတယ်။
အပတိဌသားသမီးတွေက ကိတ္တိမ သားသမီးတွေလို မိဘအမွေကို ဆက်ခံဖို့ ရည်စူးပြီး မွေးစားတာမျိုး မဟုတ်ဘဲ အမှတ်တမဲ့မွေးစားတဲ့ မွေးစားသားသမီးတွေသာဖြစ်ပါတယ်။
၃) ဆာတဘတ္ထ
ဆာတဘတ္ထ သားသမီး တွေကတော့ ထမင်းငတ်မွတ်တဲ့အခါမှာ မှီခိုလာတဲ့သား ၊ လေလွင့်ငတ်မွတ်နေသူကို မွေးစားမိဘက သနားလို့ခေါ်ယူကျွေးမွေးခြင်းမျှသာ ဖြစ်ပါတယ်။ဘာအခွင့်အရေးမှ မရှိပါ၊ မရပါ။

စိန်ရွှေ အစရှိတဲ့ရွှေ့ပြောင်းနိုင်တဲ့ပစ္စသည်း တွေကို ပေးကမ်းတဲ့နေရာမှာ စာချုပ်ချုပ်ပြီးပေးလို့လည်းရသလို စာချုပ်မချုပ်ဘဲ ပေးလို့လဲရပါတယ်။
မြေအိမ် စတဲ့မရွှေ့ မပြောင်းနိုင်တဲ့ပစ္စည်း တစ်စုံတစ်ရာကိုပေးကမ်းမယ်ဆိုရင်တော့ ပေးကမ်းခြင်းစာချုပ် ပြုလုပ်ရတယ်။
ပေးကမ်းခြင်းစာချုပ် ဟာအောက်ပါအတိုင်း ဖြစ်ရပါမယ် -
၁) စာချုပ်စာတမ်း ပြုလုပ်ရပါမယ်။
၂) အနည်းဆုံး သက်သေနှစ်ယောက် လက်မှတ်ရေးထိုးရပါမယ်။
၃) အလိုအလျောက်ဖြစ်ပေါ်လာတဲ့ မေတ္တာသက်ဝင်မှုအရ ပေးတာ ဖြစ်ရမယ်။
၎) ပစ္စည်းရသူ (သို့) ပစ္စည်းရသူရဲ့ကိုယ်စားလှယ်က ပစ္စည်းပေးကမ်းတာကို သဘောတူတဲ့အကြောင်း လက်ခံတဲ့အကြောင်း ဖွင့်ဟ ၀န်ခံပြီး လက်မှတ်ရေးထိုးရပါမယ်။
၅) စာချုပ်ကို ရေစစ္စရီမှတ်ပုံတင် ပြုလုပ်ရပါမယ်။
စာချုပ်ချုပ်ဆိုတဲ့နေရာမှာ သတ်မှတ်ထားတဲ့ တံဆိပ်ခေါင်း အလုံ အလောက် နဲ့ စာချုပ်နဲ့ ရေးသားချုပ်ဆို ရပါတယ်။အဆိုပါစာချုပ်ကို မှတ်ပုံတင်ရပါမယ်။
- ပေးကမ်းခြင်းခံရသူက ပေးကမ်းခြင်းကို လက်ခံသဘောတူကြောင်း ဖော်ပြပါရှိရပါမယ်။
- ပေးကမ်းတဲ့ပစ္စည်း စာရင်းဇယား ဖော်ပြပါရှိရပါမယ်။
- ဆိုင်ရာက ထုတ်ပေးတဲ့ ပစ္စည်းတည်ရှိရာမြေပုံ မြေရာဇ၀င် ပူးတွဲ ပါရှိရပါမယ်။
- ပေးကမ်းသူပိုင်ဆိုင်ကြောင်း ပိုင်ဆိုင်မှုဆိုင်ရာ အထောက်အထား ပူးတွဲဖော်ပြ ပါရှိရပါမယ်။
- ပေးကမ်းစဉ်မှာ ပေးသူအနေနဲ့ အသက်ရှင်လျက်ရှိပြီးမှ ပေးနိုင်ခွင့် ရှိပါတယ်။
- လက်ခံသူအနေနဲ့လည်း အသက်ရှင်ဆဲ လက်ခံနိုင်တယ်။ သေဆုံးမှ ဆိုရင် ပေးကမ်းခြင်း ပျက်ပြယ်ပါတယ်။
- အနာဂတ် ပစ္စည်းကို ပေးကမ်းခြင်း မပြုနိုင်ပါ။
- အပေးခံရသူဟာ တစ်ဦးထက်ပိုနေပြီး တစ်ဦးက ပေးကမ်းတာကို လက်မခံရင် လက်မခံသူအတွက်သာ ပေးကမ်းခြင်း ပျက်ပြယ်ပြီး ကျန်လက်ခံ သူတွေအတွက် ပေးကမ်းခြင်း အတည်ဖြစ်ပါသည်။
- ပေးသူပိုင် ပစ္စည်းအားလုံးကို ပေးတာဆိုရင် ပေးစဉ်ခါက ပေးသူမှာ တင်ရှိနေတဲ့ ကြွေးမြီအားလုံးအတွက် ပေးတဲ့ပစ္စည်းနဲ့အညီ လက်ခံသူအပေါ်မှာ တာဝန်ရှိပါတယ်။

မြန်မာဗုဒ္ဓဘာသာများတွင် ဗေဒင်ကိန်းခန်းကို ယုံစားသူများလည်းရှိပါသည်။လင်မယားတဦးဦး မကျန်းမာလျှင်(သို့) စီးပွားရေး အဆင်မပြေလျှင် ဗေဒင်ယုံစားသူများသည် ဗေဒင်မေးလေ့ရှိပါသည်။ဗေဒင်ဆရာက လင်မယားကွဲကန်းကြုံနေသည် ကျိန်းကျေအောင် ယတြာချေသည့်အနေဖြင့် လင်မယား ဟန်ဆောင်ကွာရမည် စသည်ဖြင့် ဟော၍ စတိဖြစ် လင်မယား ဟန်ဆောင်ကွာလျှင် ယင်းကွာရှင်းခြင်းကို ” ဂြိုလ်ပြေနံပြေ ကွာရှင်းခြင်း ” ဟုခေါ်ပါသည်။
ထိုသို့ကွာရှင်းခြင်းသည် ဓမ္မသတ်များတွင် မပါရှိပါ။သို့သော် တရားရုံးများ အနေနှင့် နားလည်လက်ခံပါသည်။
သို့သော် ဟန်ဆောင်ထိမ်းမြားခြင်း အရှက်ပြေထိမ်းမြားခြင်း တို့ကိုမူ ခွင့်မပြုပါ။

မြန်မာ့ဓလေ့ထုံးတမ်းဥပဒေ အရ တရားဝင် လင်မယား မြောက်ရန် အဓိကလိုအပ်ချက်သည် ထမ်းမြားသူနှစ်ဦး၏ ဆန္ဒတူညီမှု ဖြစ်ပါသည်။ထိုနည်းတူ လင်မယားတရားဝင် ကွာရှင်းပြတ်စဲရေးတွင်လည်း လင်နှင့် မယားတို့၏ ဆန္ဒတူညီမှုသည် အဓိက လိုအပ်ချက်ဖြစ်ပါသည်။
ဥပမာ - လင်မယား စကားများပီး အိမ်ကဆင်းသွားသည့် မယားထံ လင်က ဘယ်နေ့ဘယ်ရက် ပြန်မလာရင် မင်းနှင့်ငါ ပြတ်ပြီလို့မှတ်လိုက် ဟုစာရေးပါမည်။မယားကလည်း ဂျင်းစိမ်းနဲ့ မိဿလင် သူကြင်မှ ကိုယ်ကြင် မယ်ဆိုပြီး ရှင်ပြတ်လဲ ကျမကလဲပြတ်တာပေါ့ဟု စာပြန်ရေး သည့်ကိစ္စ သည်နှစ်ဦး သဘောတူကွာရှင်းပြတ်စဲရာ မရောက်ပါ။စာမှာ ဒေါသအလျောက် ရေးသားကြောင်း ထင်ရှားလျှင် ကွာရှင်းပြတ်စဲ ခြင်းသည် မခိုင်လုံပါ။
ထို့နည်းတူပင် မိန်းမရူးနေစဉ် ယောက်ျားက ပြတ်စဲလိုကြောင်း စာပေးလျှင်လဲ လင်မယားအရာ မပြတ်နိုင်ပါ။
အကြောင်းမှာ ရူးနေသူသည် ပဋိညာဉ်မပြုနိုင်၍ ဖြစ်ပါသည်။

ကွာရှင်းပြတ်စဲခြင်း တွင်
၁) နှစ်ဦးသဘောတူ ကွာရှင်းပြတ်စဲခြင်း
၂) ဂြိုလ်ပြေနာမ်ပြေ ကွာရှင်းပြတ်စဲခြင်း
၃) အိမ်ထောင်ရေးပြစ်ချက်ကြောင့် ကွာရှင်းပြတ်စဲခြင်း
၎) အိမ်ထောင်ရေး ပြစ်ချက်မရှိဘဲ တဖတ်သတ် ကွာရှင်းပြတ် စဲခြင်း
၅) ကံမစပ်၍ ကွာရှင်းပြတ်စဲခြင်း
တို့ ပါဝင်ပါသည်။